Токмок шаарынын ички иштер бөлүмүнөн убактылуу жайдан качкан жарандар изделүүдө

Чүй облусунун ички иштер органдары тарабынан убактылуу кармоочу жайдан качкан жарандарды кармоо үчүн ыкчам издөө иш-чаралары жүргүзүлүүдө.

2018-жылдын 1-май күнү болжол менен саат 07:00 чамасында Токмок шаарынын ички иштер бөлүмүнүн убактылуу кармоочу жайынан кылмышка шектүү жарандар качып кеткендиги маалым болгон.

Убактылуу кармоочу жайдан качкан жарандарды кармоо үчүн “Сирена” планы киргизилип, Чүй облусундагы райондук-шаардык ички иштер бөлүмдөрүнө, Бишкек шаарынын ИИББна жана башка областтык ИИБларга багыттамалар жөнөтүлдү.  Учурда ыкчам-издөө иш-чаралар жүргүзүлүүдө.

Убактылуу кармоочу жайдан качкан төмөндөгү жарандар изделүүдө!

Юсупахунов Руслан Гаширович, 2002-жылы туулган. Жашаган жери Токмок шаары. Кыргыз Республикасынын кылмыш-жаза кодексинин 172-беренеси “Автомобилди же башка автомототранспорт каражатын укукка жат түрдө ээлеп алуу”) боюнча шектүү катары кармалган.

Ворончихин Леонид Дмитриевич, 2000-жылы туулган.Жашаган жери Токмок шаары. Кыргыз Республикасынын кылмыш-жаза кодексинин 164-беренеси (“Уурулук”) боюнча шектүү деп кармалган.

 Порошин Анатолий Сергеевич, 2001-жылы туулган.  Жашаган жери Токмок шаары. Кыргыз Республикасынын кылмыш-жаза кодексинин 97-беренеси (“Киши өлтүрүү”) боюнча шектүү деп кармалган.

 

 

Чүй облусунун ИИББ, эгерде кимде-ким жогорудагы убактылуу кармоочу жайдан качкан жарандар тууралуу кандайдыр бир маалымат билген болсо, төмөндөгү телефон номерлерине кабарлап коюуңуздарды суранат.  (0312) 43-01-27, 43-88-85 (Чуйской облусунун ИИББ), 66-23-31 (ИИМ нөөмөт бөлүгү), 0(701) 30-09-07, 0(701) 15-36-06, 0(703) 40-68-98.