Токмок шаарында алдамчылыкка шектүү кармалды

Токмок шаарынын ИИБүнө А.Ф. аттуу жаран арыз менен карйрылган. Ал 2021-жылдын окябрь айында “А” аттуу жаран анын ишенимине кирип, бир кап цементти 318 сомдон алып берүүнү убада кылып, 340 кап цемент алып берүүнү  үчүн арыздануучудан 75 миң сомун алып, ошол боюнча из жашырып кеткенин билдирген.

Бул факты кылмыштардын бирдиктүү реестрине Кыргыз Республикасынын Кылмыш-жаза кодексинин 209-беренеси (Алдамчылык) боюнча катталып, сотко чейинки өндүрүш иштери башталган.

Чүй облусунун ИИББнын жана Токмок шаарынын ИИБдүн кылмыш иликтөө кызматкерлери тарабынан жүргүзүлгөн ыкчам иш-чараларынын негизинде жогорудагы кылмышка шектелип 1986-жылы туулган Н.А. аттуу жаран кармалып убактылуу кармоочу жайга камакка алынган.

Териштирүү учурунда шектүү Н.А.нын үстүнүн Токмок ШИИБүнө бир нече жаран арыз менен кайрылган. Алар боюнча териштирүү иштери улантылууда.

Эгерде кимде-ким жогорудагы жарандын аракетинен жабыркагандар болсо төмөндөгү телефон номерлерине кайрылсаңыздар болот: 0(704)10 20 62, 0(701) 15 53 37.

 

Чүй ОИИББнын басма сөз кызматы

Leave a Reply

Your email address will not be published. Required fields are marked *