Аламүдүн районунда уурулукка шектелген жаран кармалды

2022-жылдын 20-июнунда Аламүдүн райондук ички иштер бөлүмүнө С.Ш. атту жаран арыз менен кайрылган. Арыз ээси үйүндөгү  баалуу буюмдарын уурдап кеткен белгисиз адамга карата чара көрүү өтүнүчүн билдирген.

Бул факт КР Кылмыш-жаза кодексинин 205-беренесинин (Уурдоо) негизинде кылмыштардын бирдиктүү реестрине катталган.

Чүй ОИИБдин Кылмыш иликтөө бөлүмүнүн жана Аламүдүн РИИБдин кызматкерлери тарабынан көрүлгөн ыкчам-издөө иш-чараларынын жүрүшүндө бул кылмышка шектүү делип, мурда да уурулук жана тоноо сыяктуу кылмыштары үчүн соттолгон 1997-жылы туулган Ч.Ж. аттуу жаран кармалып,  Бишкек шаардык ички иштер башкы башкармалыгынын убактылуу кармоочу жайына киргизилген. Учурда  сотко чейинки териштирүү иштери жүргүзүлүүдө.