Милиция кызматкерлери Орловка шаарындагы №2 орто мектепте өткөрүлүп жаткан тестирлөө учурунда окуучулар арасындагы жаңжалдын алдын алышты

2024-жылдын 25-апрелинде Кемин РИИБдин нөөмөт бөлүмүнө Орловка шаарынын №2 орто мектебинде окуучулары арасында уруш болуп жаткандыгы тууралуу маалымат келип түшкөн.

Бул маалымат Кемин РИИБдин маалыматтардын электрондук каттоо журналына катталып, аталган маалыматтын негизинде Кемин РИИБдин ыкчам-тергөө тобу жөнөп кеткен.

 Кемин РИИБдин ыкчам-тергөө тобу окуя болгон жерге барып төмөндөгүлөрдү аныктаган.

2024-жылдын 25-апрелинде Орловка шаарынын №2 орто мектебинде тестирлөө өткөрүлүп, тестирлөөгө Кемин районунун Чым-Коргон, Алмалуу, Кызыл-Суу, Самансур айылынын жана Орловка шаарынын №1, №2 орто мектебинин 9 -11-класстын окуучулары катышышкан.

Тестирлөө учурунда Чым-Коргон айылынын А.Казакбаев атындагы орто мектебинин жана Орловка шаарынын №1, №2 орто мектебинин 9-класстарынын окуучулары өз ара келишпестиктен улам уруша кетишкен. Тестирлөө учурунда коомдук тартипти жана мектеп окуучуларынын коопсуздугун көзөмөлдөп жүргөн милиция кызматкерлери тарабынан жаңжал токтотулуп, түшүндүрүү иштери жүргүзүлгөн.

 

Аталган окуя боюнча соттук-медициналык экспертиза дайындалып, бирок окуучулардын ата-энелери балдарды соттук-медициналык экспертизадан өткөрүүдөн баш тартышып, эч кимге нааразычылктары жок экенин билдирип арыз жазуудан баш тартышкан.

 

 

Чүй ОИИББнын Басма сөз кызматы