Ысык-Ата районунда чет элдик жаранга бычак менен кол салган шектүү кармалды

2022-жылдын 3-сентябрь күнү Ысык-Ата райондук ички иштер бөлүмүнө, аймактык ооруканага Россия мамлкетинин жараны 1998-жылы туулган А.В.  бычактан алган  жаракаттан улам түшкөнү боюнча маалымат келген.

Аталган окуя боюнча Ысык-Ата РИИБдин тергөө кызматы Кыргыз Республикасынын Кылмыш-жаза кодексинин 37-122-беренесинде (Адам өлтүрүүгө аракеттенүү) көрсөтүлгөн кылмыш курамы менен кылмыш ишин козгогон.

Жүргүзүлгөн ыкчам-иликтөө иштеринин натыйжасында, бул кылмышты 1984-жылы туулган А.А. аттуу жаран жасаганы аныкталып, ал адам окуядан кийин Казахстан Республикасына чыгып кеткени такталган.

Кылмышка шектүү издөөгө алынып, камакка алуу бөгөт чарасы тандалган.

Ыкчам издөө иш-чаранын жүрүшүндө кылмышка шектүү А.А. аттуу жарандын жүргөн жери аныкталып, колго түшүрүлүп,  убактылуу кармоо жайына киргизилген.

Тергөө уланып жатат.

Чүй ОИИББнын басма сөз кызматы